Naeng mar-hand phone

NAENG MAR-HAND PHONE

Orang yang berpengetahuan menahan perkataannya, orang yang berpengertian berkepala dingin  (Amsal 17 : 27)

Hea ma adong sada ama-ama sian huta pardomuan jonokhon Tiga lingga Kabupaten Dairi, sukses besar dalam bisnis durianna. Panen durianna lumayan do hampir mencapai pendapatan 10 juta dalam 1 bulan. Alani lumayan do untung na, gabe kepingin ma amanta i laho mar handphone songon naung ni nipi-nipihon salelengon.

Laho ma amatta i tu sada toko handphone di bilangan segitiga emas Sidikalang, alias jalan Sisingamangaraja. Songonon ma terekam pembicaraan antara amanta i dohot par toko handphone on:

A : "Ai laho manuhor handphone au lae, na songon dia do na pas di natua-tua songon au. Argana hira-hira 1 tu 2 juta. Ai nasai do pe adong hepengku."

TH : "Ohh... adong amang, type na NOKIA 3260, balga-balga do tombol na, dang susa amang molo lau mamiccit nomorna. On ma contoh na amang. Argana holan 1,5 juta do."

A : "Boi .. boi ma i. Baen ma dohot nomor na sekalian. Pasang ma sekaligus, dang hupaboto-boto mamasang i, sekalian ma dohot pulsana."

TH: "Boi amang, on ma nomor na, pillit hamu ma. Molo pulsana, na sadia ma ta baen amang, adong 25 ribu, 50 ribu dohot 100 ribu."

A : "Ai hamu ma mamillit nomor nai, baen ma nomor na bagak. Molo pulsanai si 100 ribu ma baen."

TH : "Boi amang, alai sebelum hupillit no nai, ambal-ambal ni hata...ai didia do halak amang tinggal?"

A : "Di pardomuan, jonok do tu tigalingga"

TH : "Ohh... alai hurasa amang, dang adong dope sahat jaringan tu Pardomuan."

A : "Ima... ima .. nga boi i . Baen ma 100 ribu dohot jaringan na i, bila porlu 200 ribu pe boi, asa unang mulak-ulak iba tu Sidikkalang on."

TH : "???!!??"