Martangiang

MARTANGIANG BORNGIN....HONA "INTERUPSI" TUHAN

 

 

Ale Amanami na di Banua Ginjang

Olo…dison do Ahu

 

Unang jo komentari…na martangiang do ahu

Alai di jou ho Goar-Hu

 

Manjou Ho? Ndang na hujou Ho, Na martangiang do ahu

Ale amanami na di Banua Ginjang…

Nei..kan? diulahi ho do muse

 

Huulahi songon dia?

Manjou goarHu, didokhon ho, “Ale Amanami na di Banua ginjang”

Dison do Ahu. Aha huroa na dibagasan pikkiranmu?

 

Ndang adong maksudhu na asing…na holan martangiang do au di bornginon. Biasa do huulahon i ditikki naeng modom. Huanggap do i sada kewajiban naingkon huulahon

Anggo songoni…torushon ma..

 

Mandok mauliate do ahu di sude denggan ni basaM dohot asi ni rohaM

Satongkin jo…antar sadia godang ma hamuliateon ni roham huroa?

 

Beha…?

Antar sadia godang ma hamuliateon ni roham tu Ahu ala ni denggan basa dohot asi ni roha na Hupasahat tu ho?

 

Ahu?...bah….ndang huboto? Ndang parduli ahu disi.  Ai khan songoni do na martangiang, songoni do nasida mangajari ahu martangiang.

Oh…toema…patorus ma muse…

 

Hutorushon…?

Olo…torushon ma tangiangmi

 

Oh…muse, pasupasu jala tatap ma angka na  marsahit dohot na pogos jala na marsitaonon.

Sian ias ni roham doi…?

 

Ba…olo antong, sian nasa rohangku do mandokhon i…

Jadi…aha ma naung diulahon ho taringot tusi?

 

Huulahon?Ise do,…ahu do…?Ba…narohangku ndang adong. Sude do denggan jala sikkop dipatupa Ho, asal ma Ho do na gabe Raja di saluhutna naadong dison dohot na di Banua ginjang, jadi ndang porlu be angka jolma hasusaan. Apala i do ianggo dibagasan pikkiranku.

Boi do ho nian Huraja-i?

 

Ba…laho do ahu tu Gareja, hupasahat do durung-durung hu, ndang na…

Ndang apala i na Hupangido! Nga songon dia nian pangalahom? Ai kan hasusaan do donganmu dohot nasa pangisi ni bagasmu alani ho. Muse…jolma na boros do ho di hepeng. Holan dirim sambing do dipikkiri ho. Boti muse…beha do taringot angka buku naung di jaha ho…

 

Unang be Ho manginsahi ahu. Jolma na ture do ahu tarsongon angka na asing na laho tu Gareja tiap ari Minggu.

Maaf ma anggo songoni…Na Hupikkir do, dipangido roham Ahu mamasu-masu halak na gale jala na hahurangan. Molo naingkon do songoni, porlu do Ahu diurupi sian angka na mangidohonsa…misalna ho…

 

Tolong ma jo Amang,…naeng pasidunghononku do tangiangkon. Naung leleng do on sian na somal. Pasu pasu ma angka parbarita nauli asa boi nasida mangurupi angka na marsitaonon

Maksudmu songon si Jhon…?

 

Si Jhon…?

Olo…na tinggal di ujung ni dalan an

 

Si Jhon…alai…holan na marisap dohot na mabuk do ulaonna. Ndang hea be laho marminggu

Hea do ditingkir ho sahat tu bagasan rohana?

 

Ndang hea antong…ai ndang mungkin i…

Hubereng do…hansit jala porsuk do na dipangkilalahon ibana.

 

Anggo songoni…Amang,  suru ma naposom tu Ibana

Ai khan ho do na ingkon gabe sahalak naposo-Hu, Ahu do na marsuru Ho. Ai khan tangkas do i Hupaboa tiap parmingguan?

 

Bah…satongkin jo…na beha do antong. Na gabe ari “paminsangonhu” do on? Khan ahu na padalanhon pangajarion-Mu do, i ma “martangiang”. Alai oppot,  ro ma Ho masuk jala pataridahon sude hasalaanku.

Ah…ho do nangkin na manjou goarHu, jala dison do Ahu. Uduti ma jo tangiangmi…Naeng begeonHu ma muse bagian na berikutna. Ai ndang hea dope diganti ho susunanna, khan?

 

Ndang olo be ahu…

Boasa ndang olo ho…?

 

Huboto do aha ma na naeng dohonon-Mu muse…

Baen ma…torushon ma…

 

Sesa ma saluhut dosa na hubaen…jala urupi ma au manesa dosa ni dongan na mardosa tu ahu

Beha do taringot tu si Sahat?

 

Khan…nga huduga i. Huboto do pasti disungkun Ho taringot tu si. Alai bege ma jolo Tuhan,… na margabus do ibana taringot tu ahu, gabe dipabali ma ahu. Gabe dirimpu donganku ma ahu pargabus bolon, hape ndang adong huulahon bagi na aha. Bereng ma, ingkon hubaen singkat ni i anon!

Alai…tangiangmi…beha do tangiangmi?

 

Oh…ndang na serius au disi…

Toema anggo songoni. Hubereng…jujur do ho disi. Alai hupikkiri, memang na sonang do ho mamboan sogo ni roham dohot rimas mi manang na tudiape, I do khan?

 

Ndang na songoni nian. Alai, gabe sonang jala puas situtu do hulilala molo tarbaloshon au sogo ni rohangki  sogot.

Olo do ho mambege sada rahasia?

 

Rahasia aha?

Ndang na hea ho gabe sonang ala ni i, jala lam martamba do muse sogo ni roham, jala lam balga. On ma Hudok tu ho: …”sesa ma saluhut angka na humurang na binaen ni si Sahat tu ho, angkup ni i…husesa saluhut na dosam.”

 

Alai Tuhan, ndang boi dope ahu manesa dosana. Mansai hansit do huhilala…

Anggo songoni, Ahu pe…ndang  husesa nasa dosam!

 

Toho doi, manang songon dia pe?

Olo…manang aha pe na masa. Alai…ndang simpul dope tangiangmu…torushon ma!

 

Urupi ma ahu, asa boi huraja i dirikku, jala padao ma ahu sian pangunjunan

Denggan do i…Huurupi pe ho. Alai ho sandiri pe, padao ma dirim sian nasa inganan na boi mambaen ho madabu tu pangunjunan.

 

Maksud ni Tuhan?

Unang be ho manjahai angka buku na so ture manang laho tu inganan si hagigion, jala pahabishon tingkim disi. Angka na adong disi, hatop manang lambat gabe manegai pikkiranmu. Boi do ho hatop masuk tu angka pambahenan na so tama, jala molo nungga gabe songoni, unang dibahen ho Ahu gabe “pintu keluar darurat” di ho.

 

Pintu keluar darurat? Ndang huantusi dope Tuhan

Diantusi ho do. Nga diulahon ho i marulak noli…gabe masuk ho tu angka na so tama jala tarsosak, dungi ro ma ho tu Ahu. “O..Tuhan, urupi ma ahu kaluar sian angka hasusaan na hujalo ala ni pambahenanku, marpadan ahu tu Ho, ndang huulahon be sisongoni”. Jala molo nga sisongoni, mansai jago do tangiangmu, pola sampe tangis ho jala tarilu-ilu. Diingot ho dope angka i?

 

Eh…ahu ndang na…Bah…olo tutu…, tingki tartangkup gurukku ahu manonton film…agoi amang!

Diingot ho dope ditingki i ho martangiang, “O..Tuhan, unang ma paloas gurukki paboahoni tu natua-tuakku.”. Marpadan ahu tu Ho, olat ni on ndang ra be ahu manonton film dewasa.”  Nian, khan ndang paboan ni gurumi tu natua-tuam? Alai…ndang diingot ho be padan mu, khan?

 

O…Tuhan, memang siose padan do ahu. Huparhatutu do hasalaanki…

Toema…torushon ma tangiangmi…

 

Alai…painte ma jo, Amang. Adong naeng sungkunonhu tu Ho. Dibege Ho do tongtong angka tangiangku?

Hubege do sude tangiangmi. Sude nasa hata na dipasahata ho, di sude tingki.

 

Anggo songoni, beasa ma ndang hea dialusi Ho?

Sadia bahat ma kesempatan na dipasahat ho tu Ahu? Ndang na cukup holan ditingki didokho “Amen”, abis i dipeakhon ho ma simanjujungmu tu bantal laho modom.

Beha ma Ahu mangalusi ho?

 

Boi do Ho, molo na lomo do rohaM

Ndaong…Boi do Ahu…holan molo memang diparhatutu roham do!

O…anaha…tongtong do Ahu masihol manghatai tu ho

 

O..Amang na basa…jolma na gale do ahu. Olo do Ho manesa saluhutna dosakki?

Nungga husesa saluhutna angka dosam. Jala mauliate ma nungga dipaloas ho Ahu “manginterupsi” ho. Sipata masihol do ahu manghatai dohot ho.

Modom ma ho…jala ingot tongtong : “Holong do rahangKu tu ho”

 

Au pe Tuhan, holong do tongtong rohangku tu HO!